დონორები

ნოდარ რუხაძე

22 წლის
"მგონია, რომ რაღაც კარგ საქმეს ვაკეთებ და ვიღაცას ვეხმარები და ეს ძალიან დიდ სტიმულს მაძლევს. ყოველ 2 თვეში ერთხელ შეიძლება სისხლის გაღება და ვფიქრობ ამაზე კარგს ვერაფერს გავაკეთებთ".

“სისხლი მეორედ გავიღე. მგონია, რომ რაღაც კარგ საქმეს ვაკეთებ და ვიღაცას ვეხმარები და ეს ძალიან დიდ სტიმულს მაძლევს. ყოველ 2 თვეში ერთხელ შეიძლება სისხლის გაღება და ვფიქრობ ამაზე კარგს ვერაფერს გავაკეთებთ. ძალიან ბევრისგან მესმის სხვადსახვა არასწორი ინფორმაცია, თითქოს სისხლის გაღება ჯანმრთელობისთვის ცუდია, მაგრამ რეალურად პირადი გამოცდილებიდან შემიძლია გითხრათ რომ ძალიან კარგად ვგრძნობ თავს და სიამაყის განცდაც მაქვს. მათ, ვინც ჯერ კიდევ ფიქრობს, ვეტყოდი რომ, პირველ რიგში, მიიღეთ ინფორმაცია დაათვალიერეთ სისხლის ბანკის ვებ გევრდი, მოძებნეთ ის აუცილებელი ინფორმაცია,რაც დაგარწმუნებთ პროცესის უსაფრთხოობში.

ალექსანდრე სიმონოვი

19 წლის
"არ მოველოდი, მაგრამ დონაციის დროს მეცინებოდა და მეღუტუნებოდა კიდეც! არანაირი შიშის ფაქტორი არ მქონია და არც რაიმე ყოფილა მტკივნეული".

“სისხლი პირველად გავიღე. არ მოველოდი, მაგრამ დონაციის დროს მეცინებოდა და მეღუტუნებოდა კიდეც! არანაირი შიშის ფაქტორი არ მქონია და არც რაიმე ყოფილა მტკივნეული. მინდა ყველას მოვუწოდო,რომ რაც შეიძლება მალე გაიღეთ სისხლი რათა სხვებს დაეხმაროთ. ჩემი მოტივაციაა ის რომ ამით სხვებს ვეხმარები,მათ ვისაც სისხლი სჭირდება. დაფიქრდით და “დათმეთ” თქვენი ცხოვრების 15 წუთი -ამ მცირე დროში ადამიანის სიცოცხლეს გადაარჩენთ. ამაზე კარგად და შედეგიანად ამ 15 წუთს დროს ვერასდროს დახარჯავთ!

ანრი ფაღავა

20 წლის
"თავიდანვე დარწმუნებული ვიყავი,რომ ეს სახიფათო არ იყო. ვფიქრობ, რომ სისხლის უანგარო დონაცია არის ის, რაც თითოეულმა ჩვენგანმა უნდა გააკეთოს".

"სისხლის უანგარო დონორი უკვვე მეხუთედ ვარ. თავიდანვე დარწმუნებული ვიყავი,რომ ეს სახიფათო არ იყო. ვფიქრობ, რომ სისხლის უანგარო დონაცია არის ის, რაც თითოეულმა ჩვენგანმა უნდა გააკეთოს. 250-450 მილიგრამი სისხლი ჩვენთვის არაფერია და ამ უმნიშვნელო რაოდენობამ შეიძლება მნიშვნელოვანი საქმე გააკეთოს - შეუნარჩუნოს ადამიანს სიცოცხლე. მინდა რომ დავეხმარო სხვებს. გეტყვით,რომ საშიში არაფერია. ის ფაქტორი,რომ ადამიანის სიცოცხლეს გადაარჩენ, ყველა დაბრკოლებას გადაგვალახინებს. პროცესი საკმაოდ უმტკივნეულოა და გირჩევთ,რომ აჯობოთ საკუთარ თავს და გახდეთ გმირი - გახდეთ სისხლის უანაგარო დონორი!"

ბექა გოგინაშვილი

20 წლის
“მეოთხე ჯგუფის სისიხლი მაქვს და ვიფიქრე, რადგან დეფიციტურია ჩემს მცირე წვლილს შევიტანდი კეთილ საქმეში".

“მეოთხე ჯგუფის სისიხლი მაქვს და ვიფიქრე, რადგან დეფიციტურია ჩემს მცირე წვლილს შევიტანდი კეთილ საქმეში. ჩემი მოტივაცია წმინდა წყლის ალტრუიზმია. უკვე ორჯერ გავიღე სისხლი უანგაროდ და მინდა ვთქვა, რომ არაჩვეულებრივი შეგრძნებაა. თავიდან, სანამ არ ვიცოდი რა იყო სისხლის დონაცია, მეგონა რომ დავსუსტდებოდი და მთელი დღე თავბრუს ხვევა მექნებოდა მაგრამ ჩემი მდგომარეობა სისხლის უანგაროდ გაღების შემდეგ, ჩევულებრივისგან არაფრით განსხვავდებოდა. ვფიქრობ ამ მცირედით თუ შეგიძლია ერთ ადამიანს მაინც დაეხმარო ამაში ფულის აღება ამორალურია. მათ, ვისაც ჯერ არ გაუღია სისხლი ვეტყვი,რომ კათეტერის ჩადგმა უმტკივნეულოა ,უანგარო დონორობა სასიამოვნო, შოკოლადი კი, რომელსაც სისხლის გაღების შედემეგ გასაჩუქრებენ, ძალიან გემრიელი.”

ვალერი ჩიტაძე

32 წლის
"სისხლი, უკვე, 9-ჯერ გავიღე და არ ვაპირებ შეწყვეტას. თან, მეც მეტი მოტივაცია მაქვს ვიზრუნო ჩემს ჯანმრთელობაზე"

ვალერი სკოლის მანდატურია. ჭიათურის #1 საჯარო სკოლაში მუშაობს. ის, სისხლის უანგარო დონორია. სისხლი, უკვე, 9-ჯერ გაიღო და აპირებს სიკეთის უანგაროდ კეთება გააგრძელოს. „მანდატურის სამსახურში მუშაობა, 2015 წელს დავიწყე. ძალიან მოტივირებული ვიყავი, მინდოდა მეტი სასარგებლო საქმე გამეკეთებინა ადამიანებისთვის, განსაკუთრებით ბავშვებისთვის. იმ პერიოდში, ტელევიზიით ვნახე სიუჟეტი სისხლის დონაციაზე. მანამდე არც მიფიქრია ამ თემაზე. მოვიძიე სისხლის ბანკებზე ინფორმაცია და წავედი თბილისში. სისხლი, უკვე, 9-ჯერ გავიღე და არ ვაპირებ შეწყვეტას. თან, მეც მეტი მოტივაცია მაქვს ვიზრუნო ჩემს ჯანმრთელობაზე.“- გვიყვება ვალერი ჭიტაძე. აღსანიშნავია, რომ ვალერი ჭიტაძე, სკოლაში მანდატურად მუშაობას, სოფლის მეურნეობაზე მუშაობას უთავსებს - ბიოპროდუქტები მოჰყავს. ცნობილია, რომ ერთი დონორის სისხლი, შესაძლოა, გამოყენებულ იქნას 3 სხვადასხვა პაციენტისთვის, რაც ნიშნავს იმას, რომ უანგარო დონორს შეუძლია, სისხლის ერთხელ გაღებით გადაარჩინოს, მინიმუმ, სამი ადამიანის სიცოცხლე. შესაბამისად, ვალერის ქმედება, ადამიანური სოლიდარობის გმირული აქტია!

მარიამ ბარაბაძე

22 წლის
"„სისხლის უანგარო დონორი უკვე მეოთხედ ვარ. პირველი ორი დონაციით, ვიცი ვინც გადავარჩინე და ამ ფაქტმა საოცარი მოტივაცია მომცა"

„სისხლის უანგარო დონორი უკვე მეოთხედ ვარ. პირველი ორი დონაციით, ვიცი ვინც გადავარჩინე და ამ ფაქტმა საოცარი მოტივაცია მომცა. ვფიქრობ, ეს ერთ-ერთია გზაა სხვას დაეხმარო და ყველაზე ძვირფასი - სიცოცხლე შეუნარჩუნო, ამიტომ ყოველთვის სიამოვნებით ვხდები დონორი. ახლაც და მაშინაც ყველაფერმა კარგად და მარტივად ჩაიარა. ჩემი პირველი დონაცია ზუსტად 4 წლის წინ იყო. ვფიქრობ, ყველა ადამიანმა, ვისაც ჯანმრთელობა ხელს უწობს სისხლი უანგაროდ უნდა გაიღოს. როდესაც ასეთი შანსი გაქვს, რომ ასე მცირე დროში შეგიძლია სხვას სიცოცხლე გადაურჩინო, ამაზე უარი არავინ უნდა თქვას."